„BBC"-ის ცნობით, ბელგიის დედაქალაქის გარეუბნებში რეიდები ტარდება. სამართალდამცველები პარიზის ტერაქტების ერთ-ერთი შემსრულებლის, თვითმკვლელი ტერორისტის ბილალ ჰადფის თანამზრახველებს ეძებენ.

სამართალდამცველებმა ბრიუსელის 6 მისამართზე, მათ შორის მოლენბეკის რაიონში ჩხრეკა ჩაატარეს. გამოძიების თანახმად, სწორედ ამ რაიონში ცხოვრობდა ტერაქტების სავარაუდო ორგანიზატორი აბდელჰამიდ აბაუდი, რომელზეც თავდასხმების შემდეგ ძებნა გამოაცხადეს.

პარიზში განხორციელებული ტერაქტების შედეგად 129 ადამიანი დაიღუპა, 352 კი დაშავდა. პასუხისმგებლობა თავდასხმებზე „ისლამურმა სახელმწიფომ" აიღო და საფრანგეთს ახალი ძალადობით დაემუქრა.