აშშ-ის პრეზიდენტმა ბარაქ ობამამ მალის დედაქალაქში განხორციელებული თავდასხმა დაგმო. მისი განცხადებით, ამ შემთხვევამ კიდევ უფრო გააძლიერა აშშ-ის მზადყოფნა, გაუმკლავდეს გამოწვევებს.

ობამამ ასევე დაადასტურა, რომ ტერორისტების თავდასხმის შედეგად აშშ-ის მოქალაქე დაიღუპა, ხოლო მძევლების გათავისუფლების ოპერაციაში ამერიკელი სამხედროებიც მონაწილეობდნენ.

ათამდე ტერორისტი მალის დედაქალაქ ბამაკოში მდებარე „რედისონის" სასტუმროს გუშინ დაესხა თავს და 170 ადამიანი მძევლად აიყვანა. შტურმის დროს 19 ადამიანი დაიღუპა, 7 კი დაშავდა.

პასუხისმგებლობა თავდასხმაზე ტერორისტულმა დაჯგუფება „ალ-მურაბითუნმა" აიღო.