„BBC"-ის მიერ გავრცელებული ინფორმაციით, ბრიუსელში ტერორისტული საფრთხის უმაღლესი - მეოთხე დონე გამოცხადდა.

„სიტუაციის ანალიზმა გამოავლინა სერიოზული საფრთხე, რომელიც ითხოვს უსაფრთხოების განსაკუთრებული ზომების მიღებასა და მოსახლეობისთვის დეტალურ ინსტრუქციებს", - ნათქვამია ბელგიის საფრთხეების ანალიზის ცენტრის მიერ გავრცელებულ განცხადებაში.

ბელგიის ხელისუფლება არ აკონკრეტებს, თუ რა საფრთხეზეა საუბარი.

„როიტერის" ცნობით, უსაფრთხოების გაძლირებული ზომების ფარგლებში, ხვალამდე დაიხურა ბრიუსელის მეტროპოლიტენი.

ხელისუფლება დედაქალაქის მცხოვრებლებს ურჩევს, თავი შეიკავონ საჯარო თავშეყრის ადგილებში ყოფნისგან და მოუწოდებს, სამართალდამცავი ორგანოების განკარგულებები ზედმიწევნით შეასრულონ.