მალიში განხორციელებული ტერაქტის დროს რუსეთის მოქალაქეებიც დაიღუპნენ. რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვმა განაცხადა, რომ მას შემდეგ, რაც დაღუპულთა შესახებ ზუსტ ინფორმაციას მიიღებენ, უწყება შესაბამის განცხადებას გააკეთებს:
„20 ნოემბერს, მალიში ტერაქტის შესახებ ინფორმაციის მიღებისთანავე, რუსეთის საელჩო სიტუაციაში ჩაერთო. 21 ნოემბრის დილის მონაცემებით შეგვიძლია დავადასტუროთ, რომ დაღუპულთა შორის რუსეთის მოქალაქეებიც არიან. მას შემდეგ, რაც მივიღებთ დაზუსტებულ ინფორმაციას დაღუპულთა ვინაობისა და რაოდენობის შესახებ, საგარეო საქმეთა სამინისტრო შესაბამის განცხადებას გააკეთებს", - განაცხადა ზახაროვამ.
მალის დედაქალაქ ბამაკოში მდებარე „რედისონის" სასტუმროზე ტერორისტების თავდასხმის შედეგად, ბოლო მონაცემებით, 19 ადამიანი დაიღუპა. მალიში 10 დღით საგანგებო მდგომარეობა გამოცხადდა.
