ბელგიის პრემიერ-მინისტრი შარლ მიშელი ქვეყანაში ტერაქტების საშიშროებაზე საუბრობს. მისი თქმით, თავდასხმები შესაძლოა ქვეყნის სხვადასხვა წერტილში შეიარაღებულმა პირებმა განახორციელონ, რომლებსაც იარაღი და ასაფეთქებელი მოწყობილობები აქვთ. პრესკონფერენციაზე მან მოსახლეობას მოუწოდა, სიმშვიდე შეინარჩუნონ.

"ჩვენ ყველა საჭირო ზომა მივიღეთ", - განაცხადა მიშელმა.

ბრიუსელში ტერორისტული საფრთხის უმაღლესი - მეოთხე დონეა გამოცხადებული. უსაფრთხოების ზომები გაამკაცრეს მაღაზიების, სასტუმროებისა და ღირშესანიშნაოების ტერიტორიაზე, ბრიუსელის მეტროპოლიტენი კი ერთი დღით დაიხურა.