ტრაბზონში საქართველის ვიცე-კონსულმა მანანა ბერიაშვილმა „რუსთავი 2"-თან სატელეფონო საუბარში დაადასტურა, რომ თურქეთში პროსტიტუციის ბრალდებით საქართველოს მოქალაქეები დააკავეს.

„ოფიციალური შეტყობინება დაკავებულთა და დეპორტირებულთა შესახებ არ შემოსულა, თუმცა სატელეფონო საუბარში დაგვიდასტურეს, რომ საქართველოს სამი მოქალაქის დეპორტაცია, რომლებიც პროსტიტუციაში არიან ბრალდებული, უკვე განხორციელდა", - განაცხადა მანანა ბერიაშვილმა.

გავრცელებული ინფორმაციით, თურქეთის ქალაქ რიზეში პროსტიტუციის ბრალდებით საქართველოს ექვსი მოქალაქე დააკავეს. ისინი სამართალდამცველებმა სასტუმროებში, ღამის კლუბებსა და სხვა გასართობ ადგილებში რეიდის დროს აიყვანეს.