უკრაინული გამოცემა „ლიგას" მიერ გავრცელებული ინფორმაციით, დღეს უკრაინის მინისტრთა კაბინეტმა მიიღო გადაწყვეტილება, რომ უკრაინა რუსული გაზის შესყიდვას წყვეტს.
„მთავრობამ მიიღო გადაწყვეტილება, დაავალოს უკრაინის „ნავტოგაზს", შეაჩეროს რუსული გაზის შესყიდვა. მათ შეეშალათ - ისინი კი არ გვაწვდიან გაზს - გაზს ჩვენ ვყიდულობთ მათგან", - განაცხადა არსენი იაცენიუკმა.
მისი თქმით, რუსეთის ნაცვლად, უკრაინა გაზს ევროპელი პარტნიორებისგან შეისყიდის.
იაცენიუკის თქმით, ქვეყანაში რუსული გაზის მოხმარების მოცულობა 20%-ით არის შემცირებული.
სააგენტო „ინტერფაქსის" ცნობით, „გაზპრომის" ხელმძღვანელმა ალექსეი მილერმა განუცხადა, რომ რუსული გაზის მიწოდება „ნეფტოგაზ უკრაინისთვის"" დღეიდან წყდება, გამომდინარე იქიდან, რომ ავანსის გადახდა დასრულდა, დამატებითი თანხები კი არ მიუღიათ. მისი თქმით, „ნეფტოგაზის" მხრიდან გაზის მიწოდებაზე განცხადება არ მიუღიათ, შესაბამისად, გაზის მიწოდება წყდება უკრაინული კომპანიის მიერ ახალი გადასახადების გადახდამდე.
