საუბარია ვაშინგტონის შტატის ქალაქ სიეტლის დაწესებულებაზე - „Providence Mount St. Vincent"-ზე, სადაც ერთ ჭერქვეშ განათავსეს საბავშვო ბაღი და მოხუცთა თავშესაფარი. ამრიგად, იქ ყოფნა ერთდროულად სასიამოვნოცაა და სასარგებლოც.

ბავშვებს ბევრი მოსიყვარულე ბებია და ბაბუა გაუჩნდათ, მათთან ურთიერთობაში ბევრ რამეს სწავლობენ, ხანშიშესულებს კი პატარებთან ურთიერთობა დიდ სიამოვნებას ანიჭებს და სიცოცხლის ხალისს მატებს.

ამ სახლში 400 მოხუცი და რამდენიმე ათეული ბავშვია, რომლებიც განათლების საერთაშორისო ცენტრის პროგრამის ნაწილი გახდნენ.

კვირაში 5 დღე ბავშვები მიდიან უფროსებთან, მათთან ერთად სწავლობენ მუსიკას, ცეკვას, ხელოვნებას, უყვებიან ერთმანეთს ისტორიებს, ამზადებენ სადილს და შინაარსიანად ატარებენ დროს.

ბავშვები იღებენ ზღვა ყურადღებას, მოხუცები კი გრძნობენ, რომ ისევ საჭირონი არიან და სიამოვნებით უზიარებენ პატარებს გამოცდილებასა და სიყვარულს.

ევან ბრიგსმა დოუმენტური ფილმი გადაიღო „Present Perfect":

- „გადაღებებმა დამანახა, როგორ იქცნენ ერთ მთლიანად სხვადასხვა თაობის ადამიანები და მივხვდი, რამდენს ვკარგავთ, როცა ამ ადამიანებს მარტოობისთვის ვწირავთ. სანამ ბავშვები მივლენ, მოხუცების შეხედვა საცოდაობაა, მერე კი - დიდი სიამოვნება", - ამბობს რეჟისორი.

სპეციალურად საიტისთვის თარგმნა თამაზ ჩიქვანაიამ