ლექტორი ზაზა სიამაშვილი „რეპორტიორთან" რუსეთ-თურქეთს შორის არსებულ ურთიერთობას აფასებს, რომელიც თურქეთის მიერ, რუსული „სუ 24"-ის ჩამოგდების შემდეგ დაიძაბა.
სიამაშვილის განცხადებით, არსებულ ვითრებაში საქართველომ ნეიტრალიტეტი უნდა შეინარჩუნოს, რადგან რუსეთიც და თურქეთიც ჩვენი მეზობლები არიან, მეზობლებს კი არ ირჩევენ...
„ეს ძალიან საფრთხილო თემაა. ყველაზე მეტად ვშიშობ, რომ ჩვენმა ექსპერტებმა ცეცხლზე ნავთი არ დაასხან თავიანთი საუბრებით, რადგან არ უნდა დაგვავიწყდეს, რომ რუსეთიც და თურქეთიც ჩვენი მეზობელი ქვეყნები არიან. მეზობლებს არ ირჩევენ, ამიტომ უნდა იყოს ძალიან მოზომილი და კარგად მოფიქრებული ნაბიჯები, რომ არ გავამწვავოთ ურთიერთობა ერთ ან მეორე მხარესთან. ყველაზე კარგი იქნება, თუ შევინარჩუნებთ ნეიტრალიტეტს, მიუხედავად ჩვენი ისტორიული მეხსიერებისა."- განაცხადა სიამაშვილმა.
