გერმანიის ტელეკომპანია „Deutsche Welle"-ს კორესპონდენტმა ტიმ სებასტიანმა ინტერვიუ აიღო უკრაინის პრეზიდენტ პეტრო პოროშენკოსთან. ჟურნალისტის თამამ შეკითხვებს პრეზიდენტმა დიპლომატიური პასუხები გასცა. საუბარი ეხებოდა რუსეთის მიერ ყირიმის ანექსიას, მინსკის შეთანხმების დარღვევის ფაქტებს, უკრაინაში მიმდინარე რეფორმებს, - კერძოდ, ანტიკორუფციული საბჭოს საქმიანობას და ევროკავშირში უკრაინის გაწევრიანების პერსპექტივებს. ტიმ სებასტიანი საკმაოდ კრიტიკულად აფასებდა ამ პროცესებს და მიუთითებდა ბევრ ნაკლოვანებაზე, რომლებიც ევროსაბჭოს კომისიამ დააფიქსირა, თუმცა, პოროშენკო მიიჩნევდა, რომ თუ რამე დარღვევა არის, ამას თავისი ახსნაც აქვს, კერძოდ, თავს საომარი მდგომარეობით იმართლებდა.