დიდ დიღომში მდებარე N 213 საბავშვო ბაღში საპატრულო პოლიცია მუშაობს. ბაღში ერთ-ერთი ბავშვის მშობელმა შვილს იარაღი მისცა და მოუწოდებდა, რომელი ბავშვიც არ მოსწონდა, მისთვის ესროლა. გავრცელებული ინფორმაციით, მამა ნასვამ მდგომარეობაში იმყოფებოდა. პოლიცია ინფორმაციას არ უარყოფს, თუმცა ჯერ ოფიციალურად არც ადასტურებს.

ბაღის დირექტორი ამბობს,  რომ შემთხვევა გუშინ საღამოს, 17:00 საათისთვის მოხდა. მისი ინფორმაციით, მამაკაცი მეუღლესთან ერთად იმყოფებოდა. დირექტორი ამბობს, რომ მან ეს ინფორმაცია ბაღების სააგენტოს შეატყობინა.

213-ე ბაღში იმყოფებიან როგორც საპატრულო პოლიციის თანამშრომლები, ასევე საგამოძიებო ჯგუფი, რომლებიც საგამოძიებო ღონისძიებებს ახორციელებენ.

შს სამინისტროს ინფორმაციით მომხდარზე გამოძიება დაწყებულია.