თურქეთის პრეზიდენტი რეჯებ ტაიპ ერდორანი რუსეთს ჩამოგდებული „სუ 24"-ის გამო ბოდიშს უხდის და ვლადიმირ პუტინს მოლაპარაკებებისკენ მოუწოდებს.

„თურქეთს არ სურს დაპირისპირება. ჩვენ რუსულ მხარეს დიალოგისკენ მოვუწოდებთ, რათა ამ დაძაბული სიტუაციიდან გამოვიდეთ.

ვწუხვართ, არ გვინდოდა, ასე რომ გამოსულიყო, მაგრამ ასე მოხდა..."- აღნიშნა ერდოღანმა სიტყვით გამოსვლისას.

„ძალიან მეწყინა, რუსეთის თვითმფრინავის ჩამოგდების ამბავი რომ გავიგე. ვიმედოვნებ, ასეთი რამ აღარ განმეორდება. ორშაბათს პარიზში საერთაშორისო კლიმატური სამიტია (სადაც პუტინიც ჩადის -გ.გ.) და შეიძლება ეს რუსეთთან ჩვენი ურთიერთობის აღდგენის შანსი იყოს. კონფრონტაცია არავის აწყობს. ჩვენ ერთმანეთს ვჭირდებით", - განაცხადა ერდოღანმა პუტინის მისამართით.