რეჟისორი ელდარ რიაზანოვი საავადმყოფოში, 30 ნოემბერს გარდაიცვალა.

„სამწუხაროდ, ამ ინფორმაციას ოფიციალურად ვადასტურებთ"- განუცხადა რეჟისორის ოჯახმა ТАСС-ს.

88 წლის რიაზანოვი გულის უკმარისობის დიაგნოზით, 21 ნოემბერს კლინიკაში გადაიყვანეს.

შეგახსენებთ, ელდარ რიაზანოვი - კინორეჟისორი და სცენარისტი იყო. მან გადაიღო ისეთი ცნობილი ფილმები, როგორიცაა: "საკარნავალო ღამე", "უფრთხილდი ავტომობილს", "იტალიელების თავგადასავალი რუსეთში", „ჰუსარული ბალადა".

სახელი მოიხვეჭა აგრეთვე ფილმებით: "ბედის ირონია, ანუ გაამოთ" (1975), „სამსახურებრივი რომანი" (1977) „ავტოფარეხი" (1979). მისი ბოლო ნამუშევრებია: „საძინებლის გასაღები" (2003) „ანდერსონი: სიცოცხლე უსიყვარულოდ" (2006) „საკარნავალო ღამე 2 ან 50 წლის შემდეგ" (2006) და სხვ.