ამერიკის შეერთებული შტატების პრეზიდენტმა ბარაქ ობამამ საფრანგეთში, პარიზის ტერაქტების დროს დაღუპულთა ხსოვნას პატივი მიაგო.

„BBC"-ის ცნობით, აშშ-ის პრეზიდენტი საფრანგეთის პრეზიდენტთან და პარიზის მერთან ერთად „ბატაკლანის" საკონცერტო დარბაზთან თეთრი ვარდით მივიდა.

13 ნოემბერს პარიზში მომხდარი ტრაქტების შედეგად 130 ადამიანი დაიღუპა და 350-მდე მეტი დაშავდა. პასუხისმგებლობა თავდასმებისთვის დაჯგუფება „ისლამურმა სახელმწიფომ" აიღო.

ამჟამად პარიზში, სადაც კლიმატური ცვლილებების შესახებ გაეროს სამიტი მიმდინარეობს, უსაფრთხოების ზომებია გაძლიერებული. სამიტს 150-მდე მსოფლიო ლიდერი ესწრება. საფრანგეთში კვლავ მოქმედებს საგანგებო მდგომარეობის რეჟიმი.