INTERFAX.RU-ს ინფორმაციით, თურქეთის პრემიერ-მინისტრმა აჰმედ დავუთოღლუმ განაცხადა, რომ თურქეთი არ აპირებს, ბოდიში მოიხადოს „სუ-24"-ის ჩამოგდების გამო.
„თურქეთის მხრიდან არც პრემიერ-მინისტრი, არც პრეზიდენტი ან ხელისუფლების სხვა წარმომადგენელი ბოდიშს არ მოიხდის თავისი ვალდებულების შესრულების გამო", -განაცხადა დავუთოღლუმ NATO-ს გენმდივან იენს სტოლტენბერგთან ერთად გამართულ პრესკონფერენციაზე ბრიუსელში.
„ჩვენი საჰაერო სივრცის, სახმელეთო საზღვრების დაცვა ჩვენი ხელისუფლების არამარტო უფლება, არამედ მოვალეობაა",- აღნიშნა თურქეთის პრემიერ-მინისტრმა.
ამავე დროს, დავუთოღლუმ იმედი გამოთქვა, რომ რუსეთის ხელისუფლება გადახედავს თავის გადაწყვეტილებას თურქეთის წინააღმდეგ ეკონომიკური ზომების მიღების შესახებ.
„იმედი გვაქვს, რუსეთი გადახედავს თავის რეაქციას და ამ ზომებს. ასეთი ზომების გატარება რამ ორივე ქვეყნის ინტერესებს ეწინააღმდეგება",- განაცხადა დავუთოღლუმ პრესკონფერენციაზე.
