„საქართველოში პოლიტიკური ერთობა მარადიული არასდროსაა", - ამის შესახებ ალექსანდრე ქანთარიამ „კვირის პალიტრასთან" ინტერვიუში განაცხადა. პარლამენტარის თქმით, თუ პროცესები არსებული ტემპით გაგრძელდა, 2016 წლის არჩევნებზე კოალიცია „ქართული ოცნება" არჩევნებზე ერთიანად გავა. „მაგრამ არაფერია გამორიცხული და ისიც არავინ იცის, სამ-ოთხ თვეში რა მოხდება"-, აღნიშნა ქანთარიამ.

ამასთან, დეპუტატის თქმით, მმართველ გუნდს კოალიციიდან არასოდეს არავინ გაურიცხავს, მათ შორის „თავისუფალი დემოკრატები". „მათ თავისი სურვილით დატოვეს კოალიცია. არასწორ დროს გაუმართლებელი რევანში გადაწყვიტეს, რასაც დღეს ნანობენ კიდეც. ეს ჩანს. კოალიციაში მათი ყოფნა ბევრად პროდუქტიული იყო", - განაცხადა ქანთარიამ.

წყარო: გაზეთი „კვირის პალიტრა"

(მოამზადა ალა გრიგალაშვილმა)