ლონდონის ცენტრში, „BBC"-ის სათაო ოფისის მიმდებარე ტერიტორიაზე ევაკუაცია გამოაცხადეს. მიზეზი საეჭვოდ გაჩერებული ავტომობილი გახდა. პოლიცია ვარაუდობდა, რომ ავტომობილში შესაძლოა ბომბი ყოფილიყო.

უსაფრთხოების მიზნით სამართალდამცველებმა მიმდებარე შენობებიდან, მათ შორის „BBC"-ის ოფისიდან ხალხი გაიყვანეს. პოლიციას ლონდონის ხიდის მიმდებარე ტერიტორიაც ჰქონდა გადაკეტილი, სადაც ერთ-ერთ ქუჩაზე საეჭვო ნივთი შენიშნეს. საფრთხის არსებობა არცერთ შემთხვევაში არ დადასტურდა.