საფრანგეთის ყოფილი პრეზიდენტი ნიკოლა სარკოზი აცხადებს, რომ შეცდომა იქნებოდა თურქი ხალხის დაიმედება ევროკავშირში შესაძლო გაწევრიანებასთან დაკავშირებით. სარკოზიმ კომენტარი რადიო „Europe 1"-თან ინტერვიუში გააკეთა და აღნიშნა, რომ თურქეთთან საერთო ინტერესები უნდა არსებობდეს, თუმცა, არ უნდა გახდეს ევროკავშირის წევრი:

„შეცდომა იქნებოდა თურქების მოტყუება და ცრუ იმედების მიცემა იმასთან დაკავშირებით, რომ ისინი ევროპის ნაწილი გახდებიან. თურქეთთან ჩვენ მჭიდრო ურთიერთობები და საერთო ინტერესები უნდა გვქონდეს, თუმცა, ის ევროკავშირის წევრი არ უნდა გახდეს", - განაცხადა ნიკოლა სარკოზიმ.