ვინ იქნებიან „ქართული ოცნების" ახალი სახეები - გაზეთი „ალია" სანდო წყაროზე დაყრდნობით წერს, რომ „ქართული ოცნების" სიის პირველ ათეულში მოხვდებიან: ჟურნალისტი ია ანთაძე, სამხედრო ანალიტიკოსი უსაფრთხოების საკითხებში კობა ლიკლიკაძე და „20/30"-ის პროდიუსერი ვასილ მაღლაფერიძე.
გამოცემა ია ანთაძეს დაუკავშირდა, რომელსაც, როგორც ცნობილია, ბიძინა ივანიშვილმა არაერთხელ შესთავაზა პოლიტიკაში წასვლა.
„ანთაძემ განაცხადა, რომ ეს ინფორმაცია პირველად ჩვენგან გაიგო: ახლა გადაცემაზე ვმუშაობ და გულწრფელად გეტყვით, მირჩევნია, დავრჩე ჟურნალისტად, ვიდრე წავიდე პოლიტიკაში, ეს გამორიცხულია, რადგან თავისუფლებას ვერ შევიზღუდავო", - წერს გამოცემა.
რაც შეეხება კობა ლიკლიკაძეს, გამოცემასთან ინტერვიუში, ის ამბობს, რომ პოლიტიკაში წასვლის სურვილი არასოდეს გასჩენია.
„თუ გაიხსენებთ, „ჩემს გარეშე, ჩემი დაქორწინება ბევრჯერ მოახდინეს". მიჩვეული ვარ, არც ვღელავ. ახლა პრაღაში ვარ და ჩემს საავტორო გადაცემას ვწერ. პოლიტიკაში წასვლის სურვილი კი არასოდეს გამჩენია", - ამბობს ლიკლიკაძე.
ვასილ მაღლაფერიძე კი იდიოტურს უწოდებს გავრელებულ ინფორმაციას და ამბობს, რომ მისგან კოსმოსში გაფრენა უფრო მოსალოდნელია, ვიდრე პოლიტიკაში დაბრუნება.
წყარო: გაზეთი „ალია"
