ჩეჩნეთის ლიდერის რამზან კადიროვის განცხადებით, სირიაში სიკვდილით დასჯილი „რუსი ჯაშუში" ეთნიკური ჩეჩენი იყო და მისი მკვლელობა უპასუხოდ არ დარჩება.

„ეს რუსი - ჩეჩენია. მას თავი მოჰკვეთეს და ამის დამადასტურებელი ფაქტები არსებობს", - განუცხადა კადიროვმა ჟურნალისტებს.

ინტერნეტ-სივრცეში ვიდეორგოლი გავრცელდა, რომლის თანახმადაც, „ისლამური სახელმწიფოს" წევრმა ჯაშუშობაში ბრალდებული რუსი სიკვდილით დასაჯა. ვიდეოჩანაწერში ტყვემ განაცხადა, რომ ის ინფორმაციას რუსეთის უშიშროების ფედერალურ სამსახურს აწვდიდა.