ახალი მთავარი პროკურორი ვალდებული იქნება, წარდგეს პარლამენტის წინაშე და ანგარიში ჩააბაროს. როგორც პარლამენტარმა ალექსანდრე ქანთარიამ „ალიას" განუცხადა, ქვეყნის პირველი გამომძიებელი საკანონმდებლო ორგანოს წინაშე მაშინ წარდგება, როცა რაიმე მოვლენას მისი ახსნა დასჭირდება.

„შოთაძემ თავადაც აღნიშნა, რომ მას აქვს ამის ვალდებულება და მოვა პარლამენტში. ჩვენ ყოველ შაბათ-კვირას არა, მაგრამ გარკვეული მონაკვეთის შემდეგ, თუ რაიმე მოვლენას მისი ახსნა დასჭირდება, ბუნებრივია, მას მოვიწვევთ და ჩვენი ინტერესი დაკმაყოფილდება, თავის სათქმელს იტყვის", - განაცხადა ქანთარიამ.

წყარო: გაზეთი „ალია"

(მოამზადა ალა გრიგალაშვილმა)