სრულიად საქართველოს კათოლიკოს-პატრიარქის, ილია მეორის თქმით, „პატრიარქს უნდა ჰქონდეს უფლება, პატიმრები შეიწყალოს."

ამის შესახებ უწმინდესმა რუსთაველის თეატრში ბრძანა, სადაც მსჯავრდებული ქალბატონების მონაწილეობით, სპექტაკლი დაიდგა.

„პირველი შემთხვევაა, როდესაც პატიმრები გამოდიან თეატრში. საოცარია, რომ ხალხმა ცრემლი ვერ შეიკავა. ჩვენ დავინახეთ ტკივილი და მოქცევა ჩვენი ქართველი ადამიანებისა. ვფიქრობ, ეს ჩვენი ახალი მინისტრის დამსახურებაა. ჩვენ გვქონდა საუბარი ბატონ პრემიერ-მინისტრთან. პატრიარქს უნდა ჰქონდეს უფლება, შეიწყალოს პატიმრები და ალბათ ხელისუფლება ამ საკითხს დააყენებს. დალოცვილი იყავით თქვენ და სრულიად საქართველო", - ბრძანა პატრიარქმა.