ამერიკის შეერთებული შტატების პრეზიდენტმა ბარაქ ობამამ თეთრ სახლში საგანგებო მიმართვა გააკეთა. ობამას განცხადებით, „ისლამურ სახელმწიფოს" და ნებისმიერ სხვა ორგანიზაციას გაანადგურებენ, რომელიც აშშ-სთვის ზიანის მოტანას შეეცდება.

ბარაკ ობამამ პირობა დადო, რომ შეერთებული შტატები ტერორიზმს დაამარცხებს.

აშშ-ის პრეზიდენტის თქმით, ტერორიზმი სერიოზულ საფრთხეს წარმოადგენს, მაგრამ ის მაინც დამარცხდება. მან ასევე ხაზი გაუსვა, რომ ამერიკელი მუსლიმანებისადმი უარყოფითი წინასწარგანწყობა მხოლოდ ექსტრემისტებს აძლევს ხელს და შეერთებულმა შტატებმა არ უნდა ჩაატაროს რელიგიური ტესტირება ემიგრანტების მიღების დროს.

ბარაქ ობამამ ხაზი გაუსვა, რომ ტერორიზმთან ბრძოლა არ ნიშნავს, რომ აშშ ისლამს ებრძვის.