მამუკა არეშიძე არ ფლობს დაზუსტებულ ინფორმაციას, ბრუნდება თუ არა ბიძინა ივანიშვილი პოლიტიკაში, თუმცა ექსპერტი ერთ რამეში დარწმუნებულია: „დღევანდელი გადმოსახედიდან კოალიცია „ქართული ოცნება" მხოლოდ იმ შემთხვევაში გაიმარჯვებს არჩევნებში, თუ მის სათავეში ბიძინა ივანიშვილი იქნება", - განუცხადა არეშიძემ „კვირის პალიტრას".
ექსპერტის აზრით, კოალიციას გამარჯვება ძალიან გაუჭირდება.
„არ ვიცი, შესაძლოა, დარჩენილ დროში არჩევნებამდე მმართველმა კოალიციამ სასწაული მოახდინოს და ეს აღარ დასჭირდეს, მაგრამ დღევანდელი მდგომარეობით ივანიშვილის გარეშე ძალიან გაუჭირდება. აუცილებელია, ხელისუფლებამ ბევრ იმუშაოს, აღმოფხვრას ბიუროკრატიზმი, დაითხოვონ უპასუხისმგებლო და მშიშარა ჩინოსნები, რომლებიც ზემდგომის გარეშე გადაწყვეტილებას ვერ იღებენ, და გამოჩნდეს ახალი ინიციატივები, რომელთა განხორციელებაც რიგითი მოქალაქის ცხოვრებაზე დადებითად აისახება", - განაცხადა არეშიძემ.
წყარო: გაზეთი „კვირის პალიტრა"
(მოამზადა ალა გრიგალაშვილმა)
