პარლამენტის ვიცე-სპიკერი მანანა კობახიძე სოციალურ ქსელში საქართველოს კათოლიკოს-პატრიარქის ილია მეორის მიერ პატიმრების შეწყალების ინიციატივასთან დაკავშირებით გაკეთებულ განცხადებას და მის ირგვლივ განვითარებულ მოვლენებს გამოეხმაურა.
„საოცარი ხალხი ვართ, ერთი სიტყვა არ ვაპატიეთ პატრიარქს... იმედია, დაცხრა ვნებათაღელვა საპატრიარქოს განცხადების შემდეგ!!! ვისურვებდი, რომ უწმინდესის ჰუმანურ სურვილებზე და მის ემოციებზე მეტი „საფრთხე" არ „დაემუქროს" კონსტიტუციურ წესრიგს ამ ქვეყანაში. ზოგჯერ ძალიან სუსტად გამოვიყურებით, როცა მიზეზს ვეძებთ, როგორ დავუპირისპირდეთ ეკლესიას, პატრიარქს და ვინც ამას უფრო დიდი „შემართებით" ვახერხებთ, აი, უფრო მეტ „დემოკრატად" მიგვაჩნია თავი. ცოტა სასაცილოა, სამწუხარო რომ არ იყოს ეს ყველაფერი..." - წერს მანანა კობახიძე „facebook"-გვერდზე.
