სტრიქონ მარცვალაძე
რედაქციაში მოგვიტანეს უცნობის ავტორის ლექსი, რომელიც საკუთარ თავს „გუბერნატორს" უწოდებს თურმე. ჩვენ ვცადეთ, გაგვერკვია ეს ლიტერატურული ფსევდონიმი იყო მისი თუ უბრალოდ ახირება? ამაზე ლექსის მომტანმა გვიპასუხა, რომ ეს, სავარუდოდ, ამჟამად რეალობაა და ახირება მაშინ იყო, როდესაც ამ ლექსის ავტორი თავს რატომღაც „პრეზიდენტს" უწოდებდა.
მოკლედ რომ გითხრათ, ლექსის მომტანის აბდაუბდა საუბრიდანაც ბევრი ვერაფერი გავარკვიეთ. მხოლოდ იმას მივხვდით, რომ ავტორმა მას ლექსი ტელეფონით უკარნახა. უფრო ზუსტად, მას კი არ უკარნახა, სულ სხვას წაუკითხა ტელეფონში და ამან კი მოისმინა...
აი, როგორ მოისმინა და რატომ, ეს ვერ დავადგინეთ და თავადაც არ ესიამოვნა ასეთი კითხვა, მაგრამ ის კი გაგვაგებინა, რომ მას უბრალოდ დაენანა ასეთი მშვენიერი ლექსის დაკარგვა და ამიტომ, გადაწყვიტა, იგი ჩაეწერა და ჩვენთან, რედაქციაში მოეტანა.
რომ იცოდეთ, ეს დაუმონტაჟებელია და უწყვეტი ვერსიააო, - ზუსტად ასე გვითხრა მან და ისეთი სახით შემოგვხედა, აშკარად მადლობის თქმას ითხოვდა ჩვენგან. სიმართლე გითხრათ, ვერ მივხვდით, რას გულისხმობდა, მაგრამ მადლობა მაინც ვუთხარით და გავისტუმრეთ ეს იდუმალი სტუმარი. ლექსი კი, აგერ, თქვენს სამსჯავრიოზე გამოგვაქვს.
„რუსთავი2"-თან სისხლისფერი ყაყაჩოს წვეთი
არა დაღვრილის, დასაღვრელის, ალბათ, მაცნეა!
არავითარი სხვა სოფიკო ამაზე მეტი,
არ გამაჩნია!
.
მე დავურეკე გვარამიას, ვიყავი სვეტი,
დავპირდი „სპეცნაზს", „კაკ მინიმუმ" თოთხმეტკაციანს!
არავითარი სხვა მიზანი, სისხლისღვრის მეტი,
არ გამაჩნია!
.
მე ვიყო ქინძი, არ მადარდებს არც „პორო"-ს ბედი,
ბიძინას „შტუკა" ბებერ გულზე ლახვრად მაჩნია!
რევოლუცია! - სხვა საშველი ამაზე მეტი,
არავითარი სხვა გზა, სხვა ხსნა არ გამაჩნია!
წყარო: bstv.ge
