„თუ ზვიად ქორიძეს აქვს უფლება ადამიანები შეიწყალოს, პატრიარქსაც შეიძლება ჰქონდეს სურვილი, დაეხმაროს სახელმწიფოს" , - განაცხადა საპარლამენტო უმრავლესობის წევრმა ლუკა კურტანიძემ.

"ზვიად ქორიძეს თუ აქვს უფლება, რომ ადამიანები შეიწყალოს, საქართველოს პატრიარქსაც შეიძლება ჰქონდეს უფლება გამოხატოს სურვილი დაეხმაროს სახელმწიფოს და როგორც ჩვენი მოძღვარი ჩაერთოს სახელმწიფოს იმ პროცესში, რასაც შეწყალება ჰქვია", - განაცხადა კურტანიძემ.

საქართველოს კათოლიკოს-პატრიარქმა, უწმინდესმა და უნეტარესმა ილია მეორემ სურვილი გამოთქვა, რომ მას, როგორც პატრიარქს პატიმართა შეწყალების უფლება ჰქონდეს.

 პრემიერ-მინისტრმა ირაკლი ღარიბაშვილმა პრეზიდენტსა და პარლამენტს აღნიშნული წინადადების განხილვის ინიციატივით მიმართა.