„იმედი მაქვს, ირაკლი შოთაძე შეძლებს იმას, რაც ვერ შეძლო მისმა ვერცერთმა წინამორბედმა", - ამის შესახებ „ასავალ-დასავალს" ომეხ აფრასიძის დედამ დოდო აფრასიძემ განუცხადა.
მისი თქმით, აფრასიძეების საქმეში მთავარი დამნაშავე გიორგი ბარამიძე დაკითხულიც კი არ არის.
„ბარამიძესთან ერთად, სააკაშვილიც, რომელაც სპეცოპერაციის ბრძანება გასცა. დავუშვათ, სააკაშვილი ქვეყნიდან გაქცეულია და ხელში ვერ ჩაიგდეს, მაგრამ ბარამიძე ხომ აქ არის? ყოველდღე გამოდის და გვმოძღვრავს მართალი და პატიოსანი კაცივით. ვთხოვ ბატონ შოთაძეს, დასაჯოს გიორგი ბარამიძე. იმ ბარბაროსობის შემდეგ, რაც მან ჩაიდინა, სახლ-კარიც აღარ გაგვაჩნია. 12 წელია მის დასჯას ველოდები და იმედია, ეს ახლა მაინც მოხდება", - განაცხადა ომეხ აფრასიძის დედამ.
წყარო: გაზეთი „ასავალ-დასავალი"
(მოამზადა ალა გრიგალაშვილმა)
