„ბატონო ირაკლი, ცოდოა დედაჩემი, ისე ნუ გაუშვებთ იმქვეყნად, რომ თავისი შვილის მკვლელი დასჯილი არ ნახოს", - მიმართავს ახალ მთავარ პროკურორს ირაკლი შოთაძეს გია კრიალაშვილის და ლია კრიალაშვილი.
კრიალაშვილის თქმით, მისი ძმის საქმეში მთავარი დამნაშავე მიხეილ სააკაშვილია და როცა ის დაისჯება, მაშინ იქნება სამართლიანობა აღდგენილი.
„ჩემი ძმა ფარული ჩანაწერის გამო ჩაცხრილეს, ყოველგვარი გამოძიების გარეშე. როცა დაისჯება ყველა, მიხეილ სააკაშვილით დაწყებული - ბოლო სპეცრაზმელამდე, ვინც მანქანაში იჯდა, მაშინ აღდგება ჩემთვის სამართლიანობა. მთავარი დამნაშავე სააკაშვილია, რომელიც ასეთ ბრძანებებს გასცემდა. მივმართავ ბატონ ირაკლი შოთაძეს, თქვენ გაქვთ შანსი, ხალხსა და პროკურატურას შორის ჩატეხილი ხიდი აღადგინოთ. ღმერთმა ნუ ქნას, ეს უდიდესი იმედი არ გაგვიმართლოთ", - განაცხადა მოკლული პოლკოვნიკის დამ.
წყარო: გაზეთი „ასავალ-დასავალი"
(მოამზადა ალა გრიგალაშვილმა)
