ეროსი კიწმარიშვილის ძმა ზურაბ კიწმარიშვილი იმედოვნებს, რომ ახალი მთავარი პროკურორის პირობებში მისი ძმის საქმის გამოძიება დაჩქარდება და მალე დასრულდება.

„ჩვენს საქმეზე ბატონ ირაკლი შოთაძეს არაერთი საგამოძიებო ქმედება აქვს ჩატარებული და ვთვლი, რომ მისმა მონაწილეობამ მნიშვნელოვნად დააჩქარა გარკვეული პროცესები. იმედი მაქვს, მთავარი პროკურორის რანგში ყველაფერს გააკეთებს, რათა ყველა აუცილებელი საგამოძიებო ქმედება, მოპოვებული მასალის ანალიზი მაღალკვალიფიციურ დონეზე ჩატარდეს და მოკლე დროში დაიდოს შემაჯამებელი დასკვნა. შესაძლოა, ეს არ იყოს საქმის გახსნა, მაგრამ იყოს ინფორმაცია, სადაც მნიშვნელოვან გარემოებებზე იქნება ლაპარაკი", - განაცხადა ზურაბ კიწმარიშვილმა.

წყარო: გაზეთი „ასავალ-დასავალი"

(მოამზადა ალა გრიგალაშვილმა)