9 დეკემბერს ყოფილი პრემიერ-მინისტრი ზურაბ ჟვანია 52 წლის უნდა გამხდარიყო... ამ დღეს ოჯახის წევრები და ახლობლები მის ხსოვნას პატივს მიაგებენ.

„უკვე მეათედ ვხვდებით ზურას დაბადების დღეს მის გარეშე... მჯერა, ცოცხალი რომ ყოფილიყო, დღეს სულ სხვაგვარ საქართველოში ვიცხოვრებდით..." - ამბობს ზურაბ ჟვანიას ძმა გოგლა ჟვანია.

რაც შეეხება გამოძიებას, მისი თქმით, არის სიახლეები, რომლებზეც, გამოძიების ინტერესებიდან გამომდინარე, ვერაფერს იტყვის.

„გამოძიება ჩიხში არ შესულა. პირიქით, ძალიან საინტერესო დეტალები იკვეთება და საქმის გასახსნელად ინტენსიური მუშაობა გრძელდება. ველოდები, რომ ძალიან მალე სერიოზული ძვრები მოხდება და ყველა კითხვას პასუხი გაეცემა", - განაცხადა ჟვანიამ.

წყარო: გაზეთი „კვირის პალიტრა"

(მოამზადა ალა გრიგალაშვილმა)