ჯანდაცვის მინისტრმა დავით სერგეენკომ სასტუმრო „რედისონში", ჟურნალისტებთან საუბრისას განაცხადა, რომ სოციალური მომსახურების 500-მდე აგენტის როტაციის პროცესი მიმდინარეობს.

მისი თქმით, სააგენტოში სამუშაო შტატების რაოდენობა არ შემცირებულა, არამედ როტაციის პროცესი მიმდინარეობს.

„აქ როტაცია ყოველთვის არის. სამუშაო შტატების რაოდენობა არ შემცირებულა. მიმდინარეობს როტაცია ერთადერთი მიზეზით - მოსახლეობას ჰქონდეს უფრო სამართლიანი სოციალური დახმარება", _ განაცხადა დავით სერგეენკომ.

„ერთიანი ნაციონალური მოძრაობის" წარმომადგენელმა ზურაბ ჭიაბერაშვილმა გუშინ განაცხადა, რომ სოციალური აგენტები ჯანდაცვის მინისტრ დავით სერგეენკოს უსამართლო მიდგომების მსხვერპლნი გახდნენ.