ეკოლოგიისა და გამწვანების საქალაქო სამსახურის ყოფილი ხელმძღვანელი ბიძინა გიორგობიანი ბოტანიკური ბაღის ყოფილი დირექტორის ნინო გოცაძის ბრალდებებზე საპასუხო განცხადებას ავრცელებს, რომელსაც გთავაზობთ:
„ქალბატონი ნინო გოცაძე აცხადებს, თითქოს 8 თვის წინათ დირექტორობიდან მისი გათავისუფლება მსურდა, რაღაც პროექტების განსახორციელებლად... აღნიშნული წარმოადგენს დეზინფორმაციას. სინამდვილეში, საქმე ეხებოდა ქ-ნ ნინო გოცაძის მიერ ბოტანიკური ბაღის თანამშრომლებზე დებულების დარღვევით გაცემულ ხელფასებს. აღნიშნულ საკითხზე არსებობს მერიის შიდა აუდიტის ვრცელი დასკვნა და დაინტერესებულ პირებს შეუძლიათ გაეცნონ მას. რაც შეეხება მისი გათავისუფლების ამჟამინდელ პერიპეტიებს, არ ვარ სრულად ინფორმირებული და შესაბამისად თავს შევიკავებ განმარტებისაგან. ალბათ, შესაბამისი სამსახური ან მოხელე გააკეთებს განმარტებას", - ნათქვამია ბიძინა გიორგობიანის განცხადებაში, რომელიც მან „რეპორტიორს" მიაწოდა.