ლეონარდი და ვინჩის ცნობილი ნახატის, მონა ლიზას ქვეშ კიდევ ერთი პორტრეტია აღმოჩენილი, - ამის შესახებ, „ბი-ბი-სი" ფრანგ მეცნიერ პასკალ კოტზე დაყრდნობით იტყობინება.

მეცნიერმა ცნობილი ტილოს შესწავლას 10 წელი მოანდომა. კოტმა, რომელიც კომპანია Lumiere Technology-ს დამფუძნებელია, კვლევების დროს შუქის არეკვლის ტექნოლოგია გამოიყენა. მისი აზრით, მონა ლიზას ცნობილი გამოსახულების ქვეშ არის ნამდვილი ლიზას პორტრეტი, ხოლო ყველასთვის ცნობილ პორტრეტზე სხვა ქალია გამოსახული. ლეონარდი და ვინჩი ამ ტილოზე 1503 - 1517 წლებში მუშაობდა, როდესაც ფლორენციასა და საფრანგეთში ცხოვრობდა. მეცნიერები დიდი ხნის განმავლობაში დავობდნენ, ვინ იყო ამ პორტრეტზე გამოსახული. ყველაზე გავრცელებული ვერსიით, ეს ფლორენციელი ვაჭრის მეუღლე ლიზა გერარდინია.

წყარო