თბილისის სააპელაციო სასამართლო „თბილსერვის ჯგუფთან" დაკავშირებით, დღეს გიგი უგულავას და დავით კეზერაშვილის საქმის განხილვას იწყებს. სხდომა 14:00 საათზეა დანიშნული.

აღნიშნულ საქმეზე საქალაქო სასამართლომ რიყის ტერიტორიის გასხვისების ეპიზოდში, უგულავაც და კეზერაშვილიც გაამართლა. რაც შეეხება „თბილსერვის ჯგუფის" ეპიზოდს, უგულავას აღნიშნულ ეპიზოდში ბრალდებაზე 4 წლითა და 6 თვით თავისუფლების აღკვეთა შეეფარდა.

პირველი ინსტანციის სასამართლოს განაჩენი გაასაჩივრა როგორც უგულავას მხარემ გამამტყუნებელ ნაწილში, ისე პროკურატურამ კეზერაშვილის სრულად და უგულავას ნაწილობრივ გამამართლებელ ნაწილებში.