10 დეკემბერს ადამიანის უფლებათა დაცვის საერთაშორისო დღეა. ამ დღესთან დაკავშირებით კოალიცია „ჩვენი უფლებებისათვის" თავმჯდომარე დავით ლილუაშვილი განცხადებას ავრცელებს, რომელსაც გთავზობთ:

„2015 წლის 10 დეკემბერს, ადამიანის უფლებათა დაცვის საერთაშორისო დღეს, საქართველო ხვდება სამოქალაქო და პოლიტიკური უფლებების მხრივ დადებითი შედეგებით, ხოლო ეკონომიკური და სოციალური უფლებების კუთხით  - კვლავ სერიოზული პრობლემებით...

უფრო კონკრეტულად შეიძლება ითქვას, რომ დღეს სახელმწიფოს მთავარ ფასეულობას წარმოადგენს ადამიანი, შესაბამისად, დაცულია მისი სიცოცხლის უფლება, როგორც ფუნდამენტური და აბსოლუტური უფლება. არ არსებობს წამების ან სასტიკი, არაადამიანური ან ღირსების შემლახველი მოპყრობის ტოტალური ფაქტები. ადამიანი სარგებლობს აზრის, სინდისისა და რელიგიის თავისუფლებებით.   გარანტირებულია სიტყვისა და მშვიდობიანი შეკრების უფლება.  

სამწუხაროდ, ქვეყანაში კვლავ სერიოზულ პრობლემად რჩება საკუთარი შრომით საარსებო სახსრების მოპოვების უფლება, ასევე ადამიანის ცხოვრების სათანადო დონის, შესაფერისი კვებით და ბინის ჩათვლით სარგებლობის უფლება", - აცხადებს ლილუაშვილი „რეპორტიორთან".