17 ნოემბრის ჩათვლით, კინოთეატრ „ამირანის" მცირე დარბაზი  თბილისში სლოვაკური კინოს დღეებს მასპინძლობს, სახელწოდებით „Made in Slovakia". კინოს დღეების ორგანიზატორია საქართველოს ეროვნული კინოცენტრი და სლოვაკეთის კინოინსტიტუტი.

როგორც, ეროვნულ კინოცენტრში აცხადებენ, თბილისში გამართული კინოს დღეების მიზანია, სლოვაკური ფილმების პოპულარიზაცია საქართველოში და ემყარება ეროვნული კინოცენტრისა და სლოვაკეთის კინოინსტიტუტის მრავალწლიან თანამშრომლობას.

„რეპორტიორი" საქართველოს კინომატოგრაფიის ეროვნული ცენტრის ექსპორტის და დისტრიბუციის დეპარტამენტის უფროს  დავით ვასაძეს ესაუბრა. როგორც მან აღნიშნა, სამი დღის განმავლობაში, თბილისში ქართულ აუდიტორიას შესაძლებლობა ექნება გაეცნოს როგორც კლასიკურ, ისე თანამედროვე სლოვაკურ კინემატოგრაფს. ექვს და რვა საათზე დღეში ორი სეანსი გაიმართება.

„ჩვენ ვცდილობთ, რომ წელიწადში ორი ფესტივალი მაინც გავაკეთოთ - უცხოური ქვეყნის ფოკუსი საქართველოში და იმ ქვეყნების ფილმები ვაჩვენოთ, რომლებიც იშვიათად შემოდის. წელს ასევე გვქონდა მაკედონიური კინოს დღეები, ახლა გვაქვს სლოვაკური კინოს დღეები. კინოს საერთაშორისო ორგანიზაციებში ამ ქვეყნებთან საკმაოდ მჭიდრო კავშირი გვაქვს", - განაცხადა „რეპორტიორთან" საუბარში დავით ვაშაძემ.

მან ასევე აღნიშნა, რომ გასულ წელს საქართველოს კინოს დღეები ბრატისლავაში გაიმართა და ქართული კინოს დღეები უფრო ხშირად საზღვარგარეთ იმართება.

„თანამედროვე ქართული კინო ბოლო წლების განმავლობაში საკმაოდ წარმატებულია საერთაშორისო ფესტივალებზე, ამიტომ დიდი ინტერესიც არის. 23-27 ნოემბრის ჩათვლით, კიევში გაიმართება საკმაოდ ფართომასშტაბიანი ქართული კინოს დღეები, ასევე ლიტვაში იქნება დეკემბერში და მერე თებერვალში რომიდან არის შემოთავაზება", - აღნიშნა დავით ვაშაძემ.

15 ნოემბერი, 18:00

ნორმალიზაცია | Normalisation | Kauza Cervanová  რეჟ. რობერტ კირხჰოფი

15 ნოემბერი, 20:00

 ვეფხვები ქალაქში | Tigers in the City | Tigre v Meste რეჟ. იურაი კრასნოჰორსკი

16 ნოემბერი, 18:00

მზე ბადეში | The Sun in The Net | Slnko v Sieti რეჟ. შტეფან უჰერი

16 ნოემბერი, 20:00

მოგზაურობა აშში | Made in Ash | Az do mesta As რეჟ. ივეტა გროფოვა

17 ნოემბერი, 18:00

მომო | Momo | Momo რეჟ. თეოდორ კუნი

17 ნოემბერი, 18:30

ბოლო ავტობუსი | The Last Bus | Posledný autobus რეჟ. მარტინ სნოპეკი, ივანა ლაუჩიკოვა

17 ნოემბერი, 18:45

პანდები | Pandas | Pandy რეჟ. მათუშ ვიზარი

17 ნოემბერი, 20:00

ვარსკვლავი | The Star | Hviezda  რეჟ. ანდრეი კოლენჩიკი

17 ნოემბერი, 20:20

ექსპონატები | Exhibits or the Stories from the Castle |

Exponáty alebo Príbehy z kaštieľa რეჟ. პალო კოლეცი

შეგახსენებთ, რომ ფესტივალზე დასწრება ნებისმიერი მსურველისთვის უფასოა.