ბუტა რობაქიძის დედა ია მეტრეველი და ციხიდან პოლიტპატიმრის სტატუსით გათავისუფლებული ვახტანგ მაისაია ალეკო ელისაშვილისგან ბოდიშის მოხდას ან კონკრეტული გვარების დასახელებას ითხოვენ. განცხადება მეტრეველმა და მაისაიამ დღეს გამართულ ბრიფინგზე გააკეთეს:

„წარმოუდგენლად მიმაჩნია, რომ კომისიაში ყოფილიყო თუნდაც ვინმე, რომელიც ასეთი გაუბედურებული ხალხისგან აიღებდა ფულს. ეს არის ძალიან მძიმე ბრალდება, მითუმეტეს, როდესაც არ გიჭირავს ხელში არანაირი მტკიცებულება და ამას ასე ჰაერზე ისვრი, ტალახს ესვრი ადამიანებს. ეს სრულიად გაუმართლებელი ბრლდებაა! ელისაშვილმა ან ბოდიში უნდა მოიხადოს, ან უნდა თქვას, კონკრეტულად ვის ადებს ხელს... უნდა დაამტკიცოს კიდეც, თუ მას აქვს რაიმე საფუძველი", - განაცხადა მეტრეველმა.