„ბევრჯერ ყოფილა, რომ შეწყალების კომისიას შეუწყალებია პატიმარი, მაგრამ 20 წუთში დაურეკავთ და უთქვამთ, რომ მათ შეწყალება გადაიფიქრეს. ანუ არ იყო ჯეროვნად შესწავლილი საკითხი. ასეთი რამ რამდენჯერმე მომხდარა."- ორგანიზაცია „ძლიერი ქალი ძლიერი სახელმწიფოს" დამფუძნებელმა, ლალი მოროშკინამ აღნიშნული განცხადება თოქ-შოუ „ბარიერში" გააკეთა.
მოროშკინას თქმით, შეწყალების კომისიის მიმართ მას ბევრი კითხვები გააჩნია. გადაცემაში დებატებს „საერთაშორისო გამჭვირვალობა საქართველოს" აღმასრულებელი დირექტორი, ეკა გიგაური ესწრებოდა, რომელიც შეწყალების კომისიის წევრია. მოროშკინას კითხვებს გიგაურმა უპასუხა.
ლალი მოროშკინამ გიგაურს კითხვით მიმართა, ახსოვს მას თუ არა ისეთი პატიმრის შეწყალების ფაქტი, რომელიც საპატიმროში მხოლოდ ორი თვე იმყოფებოდა.
„ძალიან მინდა ეკა გიგურისგან მივიღო პასუხი კითხვაზე- გახსოვთ თუ არა, თქვენ შეიწყალეთ ადამიანი, რომელიც ციხეში სულ ორი თვე იმყოფებოდა. მას არათუ მესამედი, რეალურად ციხიდან ორ თვეში გამოუშვეს და ვიცით, რომ მისმა ოჯახმა გაყიდა ყველაფერი აბსოლუტურად. ერთი რაც ვიცით არის ის, რომ ამ პროცესში ძალიან ბევრი ადამიანი იყო ჩართული მაგრამ შეწყალების კომისიამ ის ორი თვის შემდეგ გაათავისუფლა."- განაცხადა მოროშკინამ რაზეც გიგაურმა უპასუხა, რომ კონკრეტული ფაქტი მას არ ახსოვს, თუმცა მაგალითად მარიხუანის მოხმარებაზე ნასამართლევი პირის შეწყალება შედარებით ადრე ხდება.
„ამაზე ეპასუხის გაცემა ზოგაგად შემიძლია, რადგან კონკრეტულ ქეისებზე ვერ ვისაუბრებ. ერთი შეწყალების დროს ჩვენ დაახლოებით 500-მდე საქმეს ვიხილავთ და ძალიან რთულია ყველა საქმე გაიხსენო.
მარიხუანის მოხმარებისთვის ნასამართლევს ძალიან ჰუმანურდ ვექცევით. ეს არის ზოგადი მიდგომა, რომელიც ჩვენ გავქვს და არ გამოვრიცხვ ორ თვეში ვინმე შეგვეწყალებინა."- განაცხადა გიგაურმა.
