უკრაინულმა მედიამ ოდესის ოლქის გუბერნატორის მიხეილ სააკაშვილისა და რუსი ბიზნესმენის, დიმიტრი მაზეპინის შეხვედრს ამსახველი ვიდეო გაავრცელა.

გავრცელდა ინფორმაცია, რომ სააკაშვილსა და მაზეპინს ერთობლივი ბიზნესპროექტები აქვთ, თუმცა ამბავი მაზეპინის და სააკაშვილის პრესსმსახურებმა უარყვეს.

გავრცელებულ კადრებში ჩანან სააკაშვილი და მაზეპინი, რომლებიც ოდესის სასტუმრო „მოცარტის" ფონზე რაღაცაზე საუბრობენ. დიალოგის დროს სააკაშვილი სმარტფონში ჩანაწერებს აკეთებს.

ეს შეხვედრა უკვე გახდა უკრაინაში ახალი სკანდალის მიზეზი. ამ შეხვედრის შესახებ ინფორმაციის გავრცელების შემდეგ გაჩნდა ცნობები, რომ გუბერნატორი და რუსი ბიზნესმენი ოდესის პორტისპირა ქარხნის პრივატიზების საკითხებს განიხილავდნენ.