სააგენტო „როიტერის" ცნობით მსოფლიოს უდიდესი სოციალური ქსელი ფეისბუქი რამდენიმე თვეში ბიზნესვერსიის - Facebook at Work-ის ამუშავებას აპირებს.

ახალი სერვისი ბევრ რამეში დღეს პოპულარული სოციალური ქსელის მსგავსი იქნება. მასში, „ძველი" ფეისბუქის მსგავსად, იქნება ახალი ამბები, „ლაიქები" და „ჩატები". კომპანიის წარმომადგენელთა თქმით, ის 95%-ით დღეს მოქმედი ფეისბუქის მსგავსი იქნება.
ამასთანავე, არის გარკვეული განსხვავებაც. ასე, მაგალითად, Facebook at Work-ის მომხმარებელი სამსახურში Candy Crush-ს და სხვა თამაშებს ვერ ითამაშებს. ასევე ვრცელდება ინფორმაცია, რომ კომპანია ბიზნესვერსიისთვის სპეციალური დამცავი საშუალებების დანერგვას აპირებს.

ფეისბუქის ახალი ვერსია ფასიანი იქნება.