რუსეთის პრეზიდენტის ვლადიმირ პუტინის განცხადებით, ნებისმიერი სამიზნე, რომელიც სირიაში რუს სამხედროებს ემუქრება, უნდა განადგურდეს. რუსეთის პირველმა პირმა თავდაცვის სამინისტროს კოლეგიაზე სიტყვით გამოსვლისას „მაქსიმალურად მკაცრი" ქმედებების ბრძანება გასცა.

„მინდა, გავაფრთხილო ყველა, ვინც შეეცდება ჩვენი სამხედროების წინააღმდეგ რაიმე პროვოკაციის ორგანიზებას - რუსი სამხედროების და ავიაბაზის უსაფრთხოების უზრუნველსაყოფად დამატებითი ზომები უკვე მივიღეთ. ნებისმიერი სამიზნე, რომელიც რუსულ დაჯგუფებას ან ჩვენს სახმელეთო ინფრასტრუქტურას ემუქრება, დაუყონებლივ უნდა განადგურდეს", - განაცხადა ვლადიმირ პუტინმა.