„დოიჩე ველეს" გავრცელებული ინფორმაციით, საფრანგეთში ჩატარებულ არჩევნებში ნიკოლა სარკოზის პარტიამ გაიმარჯვა.

კვირას ჩატარებულ რეგიონული არჩევნების მეორე ტურში „რესპუბლიკელებმა" არჩევნებში მონაწილეთა ხმების 40,63% მოიპოვეს. საფრანგეთის პრეზიდენტ ფრანსუა ოლანდის სოციალისტურ პარტიას 29,14%-მა, მარინ ლე პენის „ნაციონალურ ფრონტს" კი 27,36%-მა დაუჭირა მხარი.

„რესპუბლიკელებმა" საფრანგეთის 13-დან 7-ში, სოციალისტურმა პარტიამ კი 5 რეგიონში გაიმარჯვა.

მარინ ლე პენმა დამარცხება უკვე აღიარა და იქვე დასძინა, რომ მიუხედავად ამისა, „ნაციონალურმა ფრონტმა" რეგიონულ პარლამენტებში პარტიის წარმომადგენელთა რაოდენობა სამჯერ გაზარდა.

„ჩვენ ვერაფერი შეგვაჩერებს", - განაცხადა ლე პენმა.

რეგიონული არჩევნების პირველ ტურში ლე პენის პარტია ლიდერობდა.