15-18 დეკემბერს, თბილისში „სოლიდარობისა და ინოვაციური დაფინანსების პირველი საერთაშორისო ფორუმი" გაიმართება.

ფორუმი ოფიციალურად გაიხსნება15 დეკემბერს, 10:00 საათზე,  სასტუმრო „ქორთიარდ მარიოტში". 

„სოლიდარობისა და ინოვაციური დაფინანსების  საერთაშორისო ფორუმს" გახსნის საქართველოს პრემიერ-მინისტრი ირაკლი ღარიბაშვილი, რომლის ინიციატივითაც შეიქმნა „საქართველოს სოლიდარობის ფონდი". 

ღონისძიებაზე დასასწრებად, თბილისს ეწვივნენ გაერო-ს გენერალური მდივნის მოადგილე ინოვაციური დაფინანსების კუთხით ფილიპ დუსტ-ბლაზი და გაერო-ს გენერალური მდივნის თანაშემწე, გაერო-ს ქალთა ორგანიზაციის აღმასრულებელი დირექტორის მოადგილე  იანიკ გლემარეკი.

2015 წლის აგვისტოში „საქართველოს სოლიდარობის ფონდი" გაწევრიანდა საფრანგეთის საგარეო საქმეთა სამინისტროს ბაზაზე მოქმედ ინოვაციური დაფინანსების წამყვან ჯგუფში (Leading Group on Innovative Financing for Development). სწორედ ამ თანამშრომლობის ფარგლებში,  საერთაშორისო ფორუმი სოლიდარობისა და ინოვაციური დაფინანსების საკითხებში, საქართველოს დედაქალაქში ყოველწლიურად გაიმართება.