გლდანის მაჟორიტარი დეპუტატი სოსო ჯაჭვლიანი „კვირის პალიტრასთან" მის მიერ მომზადებულ საკანონმდებლო ინიციატივაზე საუბრობს, რომელიც რელიგიური გრძნობების შეურაცყოფისთვის ფულადი ჯარიმის დაწესებას ითხოვს.
ჯაჭვლიანის განცხადებით მისი ინიციატივა მხოლოდ მართლმადიდებლების უფლებების დცვას არ ეხება.
„არავინ იფიქროს, რომ ჩემი ინიციატივა მხოლოდ მართლმადიდებლების უფლებების დაცვას გულისხმობს. კანონი სხვა რელიგიის წარმომადგენლებსაც შეეხებათ. მაგალითად, ყველას გვახსოვს მუსულმანების სალოცავის კარზე ღორის თავი რომ ჩამოკიდეს, ეს ისევე მიუღებელია როგორც პატრიარქის შეურაცხყოფა. ვიღაცამ ისიც თქვა, პატრიარქი გეიაო... რელიგიური გრძნობების შეურაცხყოფა ევროპულ ქვეყნებშიც დასჯადია.
ჩემი ინიციატივა კანონში მეტ კონკრეტიკას შეიტანს -რელიგიური სიწმინდეებისა თუ მორწმუნეების შეურაცხყოფა სამასი ლარით, განმეორების შემთხვევაში კი, 600 ლარით უნდა ისჯებოდეს. სიტყვის თავისუფლება არ ნიშნავს, რომ ყველაფერი ვთქვა, რაც ენაზე მომადგება. ხომ ხედავთ ევროპაში რა ხდება? ეს ყველაფერი ნელ-ნელა საქართველოსაც უახლოვდება.
ხალხს ყოველთვის უნდა მოვუსმინოთ. თუ ამის აუცილებლობა დადგება, რატომაც არა?!"- განაცხადა ჯაჭვლიანმა.
