„საქართველოს დემოგრაფიული საზოგადოება XXI"-ის თავმჯდომარის ლევან ვასაძის განცხადებით საქართველოს მოსახლეობამ ევროპული ტრადიციების ნაწილს ტაბუ უნდა დაადოს. როგორც ვასაძემ გადაცემაში „სინერგია" განაცხადა, არსებობს საზოგადოების ნაწილი, როლებიც ამ ე.წ. განმათავისუფლებლებს გამორჩენის მიზნით ემსახურებიან და ემხრობიან, სინამდვილეში კი საბჭოთა კავშირისგან გათავისუფებული საქართველო სხვა ბატონის გავლენის ქვეშ ექცევა ხოლმე.

„ნამდვილად არ მაქვს კადნიერება და ამპარტავნება, რომ ჩემი თავი ვინმეზე მეტად მივიჩნიო, მაგრამ ფაქტია, რომ არის ხალხი, რომელიც დროშებით ხვდება ამ ე.წ. განმათავისუფლებლებს. სხვათა შორის, გენეტიკურად რომ შეხედო, ესენი ზუსტად იმ ხალხის შვილიშვილები არიან და ის მოდგმაა, რომლებც ბოლშევიკებს ტრანსფარანტებით ხვდებოდნენ. მათი ტრანსფარნტები რომ გადაფხიკო, 5-6- შრეს მონახავ სხვადასხვა ეპოქის ლოზუნგებისა მაგათ საგვარეულოში. ეს არის ერთი პლასი, რომელიც ამბობს, რომ ვაშა- ვაშა გაგვათავისუფლებთ, იქ არის ბრიყვიც, მაგრამ ძალიან ბევრი ცინიკური კომფორმისტია, რომელიც ამას იმისთვის აკეთებს, რომ  ახალ ძალას სარჩო გამოართვას და ამით იყოს ბედნიერი."- განაცხადა ვასაძემ და აღნიშნა, რომ რჩება შთაბეჭდილება, თითქოს ხელისუფლებასა და ევროკავშირს შორის ერთგვარი ბარტერი არსებობს. სააკაშვილის ქვეყნიდან წასვლის ნაცვლად, ახალი, ქართველებისთვის შეუფერებელი კანონების მიღების სახით.