სოციოლოგი ზურაბ ბიგვავა აცხადებს, რომ კიევის ყოფილ მერს ლეონიდ ჩერნოვეცკის არჩევნებში წარმატების შანსი ძალიან დაბალია. მისი თქმით, ფინანსური რესურსი არჩევნებში მნიშვნლოვანია, მაგრამ არა მთავარი ფაქტორი. „ერთი რამ ცალსახაა - უკრაინელის, რომელიც საქართველოში ქმნის პოლიტიკურ პარტიას, შანსი არის ძალიან დაბალი. მილიარდები ბადრი პატარკაციშვილსაც ჰქონდა, მაგრამ ამ ფულმა ვერ მოიტანა ის შედეგი, რასაც არჩევნებში გამარჯვება ჰქვია", - აღნიშნა ბიგვავამ.

რაც შეეხება ჩერნოვეცკის პარტიის სახელწოდებას, „ბედნიერი საქართველოსთვის" - ბიგვავამ არ იცის, კონკრეტულად რასთან იქნება ეს ბედნიერება დაკავშირებული, თუმცა, მას ეჭვი ეპარება, „ლეონიდ ჩერნოვეცკიმ ქართველი ხალხის გაბედნიერება შეძლოს".

წყარო: გაზეთი „პრაიმტაიმი"

(მოამზადა ალა გრიგალაშვილმა)