კულუარული ინფორმაციით, 2016 წლის იანვრიდან უქმდება თბილისის მერიასა და „სითი პარკს" შორის დადებული ხელშეკრულება. ბუნებრივია, როგორც საზოგადოებას, ასევე „რეპორტიორსაც" აინტერესებს, იურიდიულად როგორ შეწყდება ურთიერთობა მერიასა და „სითი პარკს" შორის. როგორც ცნობილია, ქალაქის ხელისუფლებამ პარკირების სფეროში მართვა-რეგულირების უფლება „სითი პარკს" იჯარით 2024 წლის 31 დეკემბრამდე გადასცა.
ჯერჯერობით ამ ინფორმაციას არც თბილისის მერიაში და არც „სითი პარკში" არ ადასტურებენ. „რეპორტიორი" დედაქალაქის მერიას დაუკავშირდა, სადაც აღნიშნული ცნობა უარყვეს. „გამორიცხულია; ეს ხელშეკრულება 25-წლიანია და მისი გაუქმების შესახებ ინფორმაცია სიმართლეს არ შეესაბამება", - განაცხადეს მერიაში.
„ეს ხელშეკრულება 25-წლიანია და მისი ვადაზე ადრე შეწყვეტის შესახებ ინფორმაცია არ გვაქვს", - განუცხადეს „რეპორტიორს" კომპანიაში.
