„საქართველოს დემოგრაფიული საზოგადოება XXI"-ის თავმჯდომარე ლევან ვასაძე ქორწინების 18 წლამდე კანონით აკრძალვას არასწორად მიიჩნევს. ამის შესახებ ვასაძემ „რეპორტიორის" პრესკლუბში გამართულ პრესკონფერენციაზე განაცხადა და აქვე განმარტა, რომ თუკი „ახალგაზრდებს ერთმანეთი უყვართ და მშობლებიც თანახმა არიან, კანონი მათ ქორწინებას არ უნდა უკრძალავდეს".

„მე, როგორც 7 შვილის მამას, მიმაჩნია, რომ ერთი მხრივ, ნაადრევია 18 წლამდე ოჯახის შექმნა. მშობლების თანხმობა, ამ შემთხვევაში სრულიად მართებულ რამედ მიმაჩნია, თუმცა, მეორე მხრივ, კანონით ამის აკრძალვა არასწორია. თუ ახალგაზრდებს ეს უნდათ და მშობლებიც თანახმა არიან, კანონით ამის აკრძალვა მიმაჩნია არასწორად, რადგან ეს არის მათი უფლებების დარღვევა", - განაცხადა ვასაძემ.