„ვუსმინე პუტინის პოზიციას საქართველოზე. ყოველგვარი შეფასებითი ასპექტის გარეშე, თუ ფაქტის კონსტატაციას მოვახდენთ, რიტორიკა აშკარად შერბილებულია", - ამ კომენტარს ზვიად გამსახურდიას ვაჟი ცოტნე გამსახურდია რუსეთის პრეზიდენტის გუშინდელი განცხადებების შეფასებისას აკეთებს:

„სახალისოც იყო, რა თქმა უნდა, რომ რუსი ბიზნესების მიერ ქართული სოფლის მეურნეობის პროდუქციის იმპორტირება სახელმწიფოთაშორისი პოლიტიკის ცენტრალური საკითხია მისი ხედვით. ამას არც მალავს და ჩანს, ეს ბმული რუსეთში უკვე აქსიომატური გახდა.

ასეა თუ ისე, აშკარად იკვეთება პოზიტიური ტენდენციები და ჩვენ უნდა შევძლოთ მათი გამოყენება. თუნდაც ჩვენი მეზობელი სომხეთის მაგალითზე", - წერს ცოტნე გამსახურდია.